![\"\"](\"https://www.aravot.am/2008/aravot_arm/November/5/p1.gif\")
Նոյեմբերի 3-ին Չինաստանի Կոմկուսի Կենտկոմի Քաղբյուրոյի մշտական անդամ Լի Չանչունը Պեկինի Ժողովրդական ժողովների տանը հանդիպել է ԲՀԿ պատվիրակության հետ՝ կուսակցության նախագահ Գագիկ Ծառուկյանի գլխավորությամբ։ Հանդիպման ընթացքում Լի Չանչունն ընդգծել է դիվանագիտական հարաբերությունների հաստատումից ի վեր երկկողմ հարաբերությունների արդյունավետ զարգացումը Չինաստանի եւ Հայաստանի միջեւ՝ կարեւորելով քաղաքական, առեւտրատնտեսական, գիտատեխնիկական եւ ագրարային համագործակցության եւ փոխանակման հետեւողական զարգացումն ու դրական արդյունքները։ Անցյալ տարի, դիվանագիտական հարաբերությունների հաստատման 15-ամյակի կապակցությամբ, երկու երկրներն անցկացրին հոբելյանական միջոցառումների շարք, ինչը նպաստեց հայ-չինական բարեկամության հասարակական հենքի ընդլայնմանը։ R
Կարդացեք նաեւ՝
