![\"\"](\"https://www.aravot.am/2008/aravot_arm/September/11/p1.jpg\")
Երեկ դատարանի վճռով պայմանական վաղաժամկետ ազատ է արձակվել Սպարապետ Վազգեն Սարգսյանի եղբայրը՝ Արմեն Սարգսյանը: Հիշեցնենք, որ նա ձերբակալվել էր դեռեւս 2003 թ. մարտի 16-ին եւ Նոր Նորքի առաջին ատյանի դատարանի վճռով դատապարտվել էր 15 տարվա ազատազրկման՝ Հանրային հեռուստառադիոընկերության խորհրդի նախագահ Տիգրան Նաղդալյանի սպանությունը կազմակերպելու մեղադրանքով: Ավելի ուշ՝ դատարանի սույն վճիռը բողոքարկելուց հետո, նա դատապարտվեց 10 տարվա ազատազրկման: «Մենք մնում ենք այն կարծիքին, որ Արմեն Սարգսյանն ավելի քան 5 տարի անազատության մեջ է եղել ապօրինաբար եւ հույս ենք հայտնում, որ քաղաքական պատանդի կարգավիճակում գտնվող մեր մյուս ընկերները եւս շուտով ազատության մեջ կլինեն»,- երեկ, ներկայացնելով Արմեն Սարգսյանի եղբոր՝ Արամ Սարգսյանի գլխավորած «Հանրապետություն» կուսակցության մեկնաբանությունը, հայտարարեց նույն կուսակցության մամլո խոսնակ Սուրեն Սուրենյանցը: Ի դեպ, Արմեն Սարգսյանն, ազատ արձակվելուց հետո առաջինը, ինչ արել է Կոշի գաղութից տուն մեկնելուց առաջ, այցելել է Եռաբլուր, ավագ եղբոր՝ Վազգեն Սարգսյանի շիրիմին:
Լուսանկարը՝ ՄՈՒՇԵՂ ԳԱՍՊԱՐՅԱՆԻ
