![\"\"](\"https://www.aravot.am/2008/aravot_arm/August/30/p1.jpg\")
«Մարտի 1»-ի գործով կալանավորված ընդդիմադիր մի շարք գործիչների գործերը, թերեւս, շատ շուտով եւ մեկ «փաթեթով» կուղարկվեն դատարաններ: Այդպես ենթադրում են նաեւ կալանավորվածների պաշտպանները: Նրանց փոխանցմամբ, երեկ փոխվել են նաեւ մի շարք մեղադրյալների, այդ թվում՝ Սասուն Միքայելյանին, Ալեքսանդր Արզումանյանին, Հակոբ Հակոբյանին, Շանթ Հարությունյանին, Գրիգոր Ոսկերչյանին, Նիկոլ Փաշինյանին, Խաչատուր Սուքիասյանին, Համլետ Հովհաննիսյանին, Վիրաբ Մանուկյանին, ինչպես նաեւ՝ Մյասնիկ Մալխայանին ու Սուրեն Սիրունյանին առաջադրված մեղադրանքների ծավալները: Մասնավորապես Մ. Մալխասյանին առաջադրվել է նոր մեղադրանք ՀՀ ՔՕ 316-րդ հոդվածի 2-րդ մասի հատկանիշներով՝ «Իշխանության ներկայացուցչի նկատմամբ բռնություն գործադրելը»: Ս. Սիրունյանի դեպքում, նրան առաջադրված մեղադրանքը ՔՕ 225-րդ հոդվածի 1-ին մասով՝ «Զանգվածային անկարգություններ կազմակերպելը», փոխարինվել է նույն հոդվածի 3-րդ մասի հատկանիշներով՝ նույն արարքը, որը զուգորդվել է սպանությամբ: Այս հոդվածը նախատեսում է ավելի խիստ պատիժ՝ ազատազրկում 6-12 տարի ժամկետով: Բացի այս, Ս. Սիրունյանին առաջադրվել է նաեւ նոր մեղադրանք՝ ՀՀ ՔՕ 300-րդ հոդվածով՝
«Պետական իշխանության յուրացում»:
