![\"\"](\"https://www.aravot.am/2008/aravot_arm/August/23/p1.jpg\")
ՀՅԴ Հայաստանի Գերագույն մարմնի ներկայացուցիչ Արմեն Ռուստամյանը օգոստոսի 20-ին Երեւանի քաղաքապետարան էր ներկայացրել իրազեկում՝ սեպտեմբերի 2-ին զանգվածային հրապարակային միջոցառում անցկացնելու մասին, որն, ըստ իրազեկման, մեկնարկելու էր Ազատության հրապարակում կամ Մատենադարանին հարող տարածքում՝ հանրահավաքով, եւ ավարտվելու, տոնական համերգով: Իրազեկումը քննարկվել է Երեւանի քաղաքապետարանում՝ ՀՅԴ Հայաստանի ԳՄ ներկայացուցիչ Թաթուլ Հարությունյանի ներկայությամբ: Ինչպես տեղեկացնում է քաղաքապետարանի հասարակայնության հետ կապերի եւ տեղեկատվության վարչությունը, քննարկման արդյունքում ընդունված որոշումով արգելվել է սեպտեմբերի 2-ին Ազատության հրապարակում կամ Մատենադարանին հարող տարածքում հանրահավաքի, այնուհետեւ տոնական համերգի անցկացումը:
