![\"\"](\"https://www.aravot.am/2008/aravot_arm/August/12/p7.jpg\")
«Կոնվերս բանկի» մասնաճյուղերի թիվը հասավ 24-ի
Օգոստոսի 8-ին տեղի ունեցավ «Կոնվերս բանկ» ՓԲԸ-ի «Սայաթ-Նովա» նոր մասնաճյուղի հանդիսավոր բացումը:
![\"\"](\"https://www.aravot.am/2008/aravot_arm/August/12/p4.jpg\")
Ժամանակակից ոճով եւ հարմարավետորեն վերակառուցված «Սայաթ-Նովա» մասնաճյուղը հանրությանը կմատուցի ունիվերսալ բանկին հատուկ բանկային ծառայությունների ողջ փաթեթը:
Ինչպես նշեց բանկի գործադիր տնօրեն Արարատ Ղուկասյանը, բանկի քաղաքականությունը ուղղված է հասարակության բոլոր խավերին համապարփակ, մատչելի եւ ժամանակակից ծառայությունների մատուցմանը: «Համոզված եմ, որ մայրաքաղաքի բնակիչները եւ հյուրերը հնարավորություն կունենան օգտվելու մեր բանկի ծառայություններից եւ տալ իրենց գնահատականը: Բանկը որդեգրել է հանրապետության ողջ տարածքով մեկ ընդլայնվելու եւ բանկային ծառայություններ մատուցելու քաղաքականություն, որի ականատեսը կլինենք մոտ ապագայում»,- ընդգծեց նա:
«Սայաթ-Նովա» մասնաճյուղի բացմամբ «Կոնվերս բանկ» ՓԲԸ-ի մասնաճյուղերի թիվը հասավ 24-ի:
Մասնաճյուղի բացման առթիվ բանկը նախաձեռնել է ակցիաների մի ամբողջ փաթեթ. օգոստոսի 10-ից մինչեւ սեպտեմբերի 30-ը նորաբաց մասնաճյուղում կկազմակերպվի «Հսկա» ակցիան: Այն նոր ավանդատու-հաճախորդներին առաջարկում է նոր ժամկետային ավանդի ընդունում՝ տարեկան 9% տոկոսադրույքով, որն ընդունվում է ՀՀ դրամով եւ ԱՄՆ դոլարով: «Մանուկ» ավանդատեսակի շրջանակներում ավանդ ներդրող հաճախորդների երեխաներին կտրվեն նվերներ: Նվերներ են սպասվում նաեւ առաջին 100 նոր հաճախորդներին եւ առաջին 10 օրվա ընթացքում արագ դրամական փոխանցումների համակարգերով գումար ուղարկող եւ ստացող հաճախորդներին:
