![\"\"](\"https://www.aravot.am/2008/aravot_arm/August/12/p1.jpg\")
Երեկ Հյուսիսային պողոտայում անցկացվող շուրջօրյա նստացույցին, «Հանրապետություն» կուսակցության ներկայացուցիչ Լյովա Եղիազարյանի գլխավորությամբ, միացել են նաեւ շուրջ երկու տասնյակ ուսուցիչներ: Լ. Եղիազարյանի ներկայացմամբ, նրանց թվում են նաեւ վերջին տարիներին «օպտիմալացված» ուսուցիչները: Հայաստանի հանրակրթական դպրոցների ուսուցիչների ներկայությունը Հյուսիսային պողոտայում առաջիկայում պարբերական բնույթ է կրելու: Ծրագրված է նաեւ, որ այդ ուսուցիչները սեպտեմբերի 1-ին՝ «Գիտելիքի օրը», ներկա կլինեն նաեւ պողոտայում կազմակերպվելիք «բաց դասին», որը կանցկացնեն Համաժողովրդական շարժման կենտրոնի ներկայացուցիչները:
