ԹԵԿՆԱԾՈՒԹՅԱՆ ՄԱՍԻՆ ԽՈՍԵԼԸ ՇՈՒՏ Է

«Ժառանգություն» կուսակցության վարչության նախագահ Անահիտ Բախշյանն օրերս հայտարարեց, թե հաջորդ նախագահական ընտրություններում իրենց թեկնածուն լինելու է Րաֆֆի Հովհաննիսյանը: «Առավոտի» հարցին, թե ինքն առաջադրելո՞ւ է իր թեկնածությունը ապագա նախագահական ընտրություններում՝ ՀԺԿ նախագահ Ստեփան Դեմիրճյանը պատասխանեց. «Ապագա ընտրություններին իմ մասնակցության մասին չեմ էլ մտածել: Կարծում եմ, առհասարակ ժամանակավրեպ է դրա մասին խոսելը»: Հիշեցրինք, որ Հայ ազգային կոնգրեսը նախատեսում է. եթե իր պայմանները չկատարվեն ու երկխոսությունը չկայանա՝ պահանջել արտահերթ ընտրություններ, եւ պրն Դեմիրճյանն արձագանքեց. «Երբ որ լինեն ընտրությունները՝ այդ ժամանակ կխոսենք»:
Կարդացեք նաեւ՝ 

Լուսանկարում՝ Լեւոն Տեր-Պետրոսյանը եւ Ստեփան Դեմիրճյանը երեկ զրուցում էին Ազատության հրապարակին հարակից սրճարանում: Հետո նրանք գնացին Հյուսիսային պողոտա: