Չճանաչված Աբխազիայի Հանրապետության զինված ուժերի ստորաբաժանումները ռուս զինվորականների գաղտնի աջակցությամբ Կոդորի կիրճը կգրոհեն առաջիկա հոկտեմբեր-նոյեմբեր ամիսներին: Ինչպես հաղորդում է «Նոյյան տապանը», վկայակոչելով «Վզգլյադ» թերթը, այս մասին հայտարարել է Վրաստանի խորհրդարանի պատգամավոր Պաատա Դավիթայան: Ըստ նրա, այդ ժամանակաշրջանում եղանակային ծանր պայմանների պատճառով Վրաստանը չի կարողանա աջակցություն ցույց տալ Կոդորի կիրճում տեղակայված իր ուժերին:
Նշենք, որ այդ կիրճը Թբիլիսիի վերահսկողության տակ գտնվող աբխազական միակ շրջանն է: Դավիթայայի տվյալներով, օպերացիայի պլանի մշակմամբ զբաղվում է Աբխազիայի պաշտպանության նախարարի առաջին տեղակալ, գլխավոր շտաբի պետ Անատոլի Զայցեւը: Վրաց պատգամավորը հայտարարել է նաեւ, որ Կոդորի կիրճի ստորին մասում արդեն իսկ աբխազական ուժեր են կենտրոնացվում:
