Տարակուսեց արձակագիր Բաղիշ Հովսեփյանը՝ տեսնելով ոստիկանության զորքի կուտակումը երեկ Ազատության հրապարակում
![\"\"](\"https://www.aravot.am/2008/aravot_arm/March/22/p18.jpg\")
Արտակարգ դրության վերացումից հետո էլ՝ երեկ այս տեսքն ուներ Ազատության հրապարակը: Ոստիկանական զորքերը՝ վահաններով եւ ռետինե մահակներով, զբաղեցրել էին ոչ միայն բուն հրապարակը, այլ նաեւ դրան հարող փողոցների մայթերը՝ թույլ չտալով քաղաքացիների կուտակումներ:
![\"\"](\"https://www.aravot.am/2008/aravot_arm/March/22/p17.jpg\")
Ոստիկանության զորքեր էին տեղակայվել նաեւ Հանրապետության եւ Շահումյան հրապարակներում, եւ ընդհանրապես՝ Ազատության հրապարակից մինչեւ Մյասնիկյանի արձան ձգվող ողջ տարածքում:
![\"\"](\"https://www.aravot.am/2008/aravot_arm/March/22/p20.jpg\")
Այսպես դիմավորեցին քաղաքացիներին, որոնք ցանկանում էին ուղղակի իրենց լուռ բողոքն արտահայտել մարտի 1-ի բռնությունների եւ սպանությունների, շարունակվող քաղաքական հետապնդումների նկատմամբ:
![\"\"](\"https://www.aravot.am/2008/aravot_arm/March/22/p19.jpg\")
Իրավապահները թույլ չտվեցին մարդկանց մոմեր վառել Ազատության հրապարակի երկայնքով՝ վահաններով հեռացնելով նրանց դեպի Հյուսիսային պողոտա: Սակայն հավաքվածները մոմեր վառեցին հենց Առնո Բաբաջանյանի արձանի մոտ:
![\"\"](\"https://www.aravot.am/2008/aravot_arm/March/22/p14.jpg\")
Ցուցարարները պարզել էին նաեւ մարտի 1-2-ի ողբերգական իրադարձությունների հետեւանքով զոհվածների եւ քաղաքական հետապնդումների ենթարկվողների լուսանկարները: Ըստ որոշ տեղեկությունների՝ մարտի 22-ին ժ. 17-ին, միջոցառումը վերսկսվելու է: Հնարավոր է, որ այս անգամ միջոցառմանը մասնակցեն միայն կանայք:
![\"\"](\"https://www.aravot.am/2008/aravot_arm/March/22/p16.jpg\")
Կազմակերպված էր «կենդանի շղթա»՝ մարդիկ շարք էին կազմել վառված մոմերով, սեւ ժապավեններով ու ծաղիկներով:
