![\"\"](\"https://www.aravot.am/2008/aravot_arm/February/8/p1.jpg\")
![\"\"](\"https://www.aravot.am/2008/aravot_arm/February/8/p1-1.jpg\")
Երեկ, ուշ երեկոյան, Նոր Նորքի 3-րդ զանգվածում ՀՀ նախագահի թեկնածու Լեւոն Տեր-Պետրոսյանի՝ փետրվարի 9-ին հրավիրած հանրահավաքի մասին իրազեկող թռուցիկները փակցնելիս Տեր-Պետրոսյանի շտաբի ներկայացուցիչներ Հովհաննես Գրիգորյանին, Գեւորգ Զաքարյանին, Աղվան Հակոբյանին է մոտեցել 33 ՍՍ 335 պետհամարանիշի «Նիսան առմադա» մակնիշի մի ավտոմեքենա, որից իջել է ՀՀԿ-ի նախագահի թեկնածու Սերժ Սարգսյանի Նոր Նորքի նախընտրական շտաբի պետ Մելիք Գասպարյանն ու տղաներից ճշտելով, թե ինչ թռուցիկներ են նրանք փակցնում՝ Մելիք Գասպարյանն ու նրա երեք ուղեկիցները հարձակվել են երիտասարդների վրա ու դաժան ծեծի ենթարկել: Երիտասարդներից մեկի՝ 19-ամյա Հովհաննես Գրիգորյանի վիճակն է, որ հատկապես ծանր է: Նա գտնվում է Նոր Նորքի հիվանդանոցի վերակենդանացման բաժնում: Հիվանդանոց են տեղափոխվել նաեւ նրա երկու ընկերները: Դեպքից հետո տղաներին հիվանդանոցում այցելեց Տեր-Պետրոսյանի՝ նույն համայնքի նախընտրական շտաբի պետ Պարգեւ Օհանյանը:
