![\"\"](\"https://www.aravot.am/2007/aravot_arm/December/19/p1.jpg\")
Եվրոպայի Խորհրդի գլխավոր քարտուղար Թերի Դեւիսը Նյու Յորքում «Ազատություն» ռ/կ-ի թղթակցին պատմել է անցած շաբաթ Ստրասբուրգում վարչապետ Սերժ Սարգսյանի հետ իր հանդիպման մասին, որ քննարկել են հեռուստաընկերությունների վարքագիծը, «պնդումներն այն մասին, որ բազմաթիվ են Սերժ Սարգսյանի մասին՝ դրական, նրա ընդդիմախոսների մասին՝ բացասական հիշատակումները: Անշուշտ, ես համաձայնեցի, որ ցանկացած վարչապետ ավելի շատ լուսաբանում կստանա, քան մարդիկ, որոնք վարչապետ չեն: Բայց ես բացատրում էի Հայաստանի վարչապետին, որ խնդիրը ոչ թե նրա կամ նրա ընդդիմախոսների մասին հիշատակումների քանակն է, այլ այն համոզիչ վերլուծությունը, որի համաձայն՝ այդ մեկնաբանությունները նպաստավոր են Սերժ Սարգսյանի եւ աննպաստ` նրա ընդդիմախոսների համար: Դա սխալ է, դա կողմնակալ է, դա այն է, ինչը ճիշտ չէ ժողովրդավարության մեջ»: Թերի Դեւիսը պատմել է. «Շատ պարզորոշ ասացի, որ շատ մտահոգված եմ Եվրախորհրդի անդամ Հայաստանում տիրող իրավիճակով», ու հավելել. «Հայաստանի ԶԼՄ-ների ներկայիս իրավիճակը ընդհանուր առմամբ չի համապատասխանում Եվրախորհրդի չափանիշներին»:
