![\"\"](\"https://www.aravot.am/2007/aravot_arm/November/14/p3.jpg\")
Երեկ հրավիրած մամուլի ասուլիսում լրագրողներին հայտարարել է ՀՖՖ նախագահ Ռուբեն Հայրապետյանը:
«Մեր ֆուտբոլի ազգային հավաքականն անպայման արտասահմանցի մասնագետ է մարզելու, քանի որ այսօրվա դրությամբ Հայաստանում այնպիսի մակարդակի մարզիչ, որը կարողանա գլխավորել թիմը, չկա»,- ասել է նա: Պարոն Հայրապետյանի խոսքերով, ֆեդերացիան ներկայումս միանգամից մի քանի ճանաչված մասնագետների հետ բանակցություններ է վարում, սակայն թեկնածուների մեծ մասն արդեն գլխավորում է այլ երկրների հավաքականներ եւ ազատ մարզիչներ գործնականում չկան:ՀՖՖ նախագահը բացառել է գլխավոր մարզչի պաշտոնում հավաքականի երկրորդ մարզիչ՝ բրիտանացի Թոմ Ջոնսի նշանակումը, որովհետեւ նրա աշխատանքն ուղղված է ֆուտբոլիստների պատրաստվածությունը բարձրացնել-ամրապնդելուն, իսկ մեզ հարկավոր է ունենալ այնպիսի մարզիչ, որը մշակի հավաքականի խաղի տակտիկան:
