![\"\"](\"https://www.aravot.am/2007/aravot_arm/October/26/p1.jpg\")
Չնայած բժիշկների արգելքին՝ 12 օր չքայլելու վերաբերյալ, «Չորրորդ իշխանություն» թերթի աշխատակից Գոհար Վեզիրյանը երեկ գնացել է աշխատանքի: Սակայն աշխատավայրում մի քանի անգամ գլխապտույտ ու սրտխառնոց է զգացել եւ ուշագնաց եղել: Շտապօգնություն են կանչել, եւ Գոհար Վեզիրյանը տեղափոխվել է հիվանդանոց: Հիշեցնենք, որ ոստիկանները նրան ծեծի էին ենթարկել հոկտեմբերի 23-ին՝ հարվածելով գլխին: Լրագրողն, ի դեպ, ճանաչել է իր վրա ձեռք բարձրացնողին՝ ՀՀ ոստիկանության պարեկապահակային վաշտի հրամանատար, ոստիկանության փոխգնդապետ Արայիկ Պետրոսյանին: Շտապօգնության բժիշկների նախնական եզրակացությամբ՝ Գոհար Վեզիրյանը ուղեղի ցնցում է ստացել եւ հիվանդանոցում պիտի հետազոտվեր, թե արդյոք կա՞ն նաեւ ոսկրային վնասվածքներ: Սակայն առայժմ եզրակացություն չկա, լրագրողը հետազոտման փուլում է:
Հոկտեմբերի 23-ի երթի ընթացքում
այլ տուժածների մասին՝ կարդացեք
