![\"\"](\"https://www.aravot.am/2007/aravot_arm/October/20/p1.jpg\")
Ցեղասպանության թանգարան-ինստիտուտի տնօրեն Հայկ Դեմոյանը երեկ «Տեսակետ» ակումբում ասաց, թե ինքը ստիպված լռում է շատ փաստերի մասին, որ դրանք չօգտագործվեն մեր հակառակորդների կողմից, սակայն նաեւ նկատում է, որ ոմանք օգտվում են այդ լռությունից: Թերեւս այս համատեքստում կարելի է դիտարկել նրա բացահայտումը, որ Ծիծեռնակաբերդում՝ մարզահամերգային համալիրին հարակից հատվածում, «երկու ռեստորանային քարե շենք է կառուցվում, իսկ շրջակայքում՝ ավելի մոտ Եղեռնի զոհերի հուշարձանին, գոլֆի փոքրիկ խաղահրապարակ»: Հիշեցրեց նաեւ, որ Ցեղասպանության թանգարանի ենթակայության ներքո գտնվող տարածքում գործում է «Ակոռի» ռեստորանը: «Տեսակետ» ակումբի մյուս հյուրը՝ ՀՅԴ խմբակցության պատգամավոր Ալվարդ Պետրոսյանն էլ անթույլատրելի համարեց Ծիծեռնակաբերդի ստորոտում գործող «բորդելային, որջանման ռեստորանները: Հոտն զգացվում է՝ քյաբաբախառն,
անառակության, լափելու»:
