![\"\"](\"https://www.aravot.am/2007/aravot_arm/October/17/p1.jpg\")
«Առավոտի» տեղեկություններով, կիրակի օրը թռչունների շուկայում ծեծի է ենթարկվել «Քաշաթաղ» հասարակական կազմակերպության նախագահ Ռոբերտ Սիմոնյանը: Վերջինիս երեկ տրվել էր դատաբժշկի ուղեգիր: Ռ. Սիմոնյանը մեր թերթին պատմեց, որ շուկայում իրեն է մոտեցել Ազգային ժողովի նախկին պատգամավոր, «Ազգային միաբանություն» կուսակցության անդամ Գագիկ Կոստանդյանը: Նա հետաքրքրվում էր, թե որտեղ են այն մարդիկ, որոնք կես ժամ առաջ նույն իր մասին ինչ-որ ակնարկներ էին անում: Ռոբերտ Սիմոնյանն իր ասելով պատասխանել է՝ «Հարցնեիր իրենց»: Գ. Կոստանդյանին այդ պատասխանն ակնհայտորեն դուր չի եկել: Ըստ տուժածի, քիչ հետո նախկին պատգամավորը «Ջիպերով» տղամարդկանց հետ վերադարձել է շուկա: Ռ. Սիմոնյանի խոսքերով, Կոստանդյանը զինված էր: Նրանք ծեծի են ենթարկել Սիմոնյանին, հարվածել նրա երիկամներին (հիշեցնենք, որ պարոն Կոստանդյանը նախկին ոստիկան է), մեջքին, դեմքին, որն ամբողջովին այտուցված էր: ՀՀ ոստիկանությունում հաստատեցին «Առավոտի» այդ լուրը՝ տեղեկացնելով, որ Ռ. Սիմոնյանը հայտարարություն է տվել «ոմն Գագոյի» մասին: Ցավոք, առայժմ չի հաջողվել պարզաբանումներ ստանալ
պարոն Կոստանդյանից:
