![\"\"](\"https://www.aravot.am/2007/aravot_arm/August/16/P1.jpg\")
Վերջերս Ստեփանավանի ավագանին որոշում է կայացրել իր համայնքում գործող մշակույթի պալատը, որը կրում էր հայազգի կոմունիստական հեղափոխական Ալեքսանդր Վերմիշեւի անունը, անվանափոխել եւ կոչել Ստեփանավանի պատվավոր քաղաքացի՝ նախկին վարչապետ Անդրանիկ Մարգարյանի անունով: Ինչպես նշում են ստեփանավանցիները, վերակառուցումից առաջ այս շենքում հանդես են եկել Վահրամ Փափազյանը, Հրաչյա Ներսիսյանը, Սոս Սարգսյանը, Վարդուհի Վարդերեսյանը, հայ կինոյի եւ թատրոնի այլ նվիրյալներ: Ըստ քաղաքի բնակիչների, Անդրանիկ Մարգարյանի վարչապետության տարիներին էր, որ Ստեփանավանում կառուցվեցին բազմաթիվ բնակարանային շենքեր, ասֆալտապատվեցին փողոցները, կարգավորվեց քաղաքի արտաքին լուսավորությունը:
