![\"\"](\"file:///C:/Documents%20and%20Settings/mariko.ARAVOT/My%20Documents/Webpages/www/2007/aravot_arm/August/5/01.jpg\")
Արդեն մոտ մեկ ամիս է՝ շինարարական աշխատանքների պատճառով մայրաքաղաքի երթեւեկությունը կաթվածահար վիճակում է, փողոցներում խցանումներ են առաջանում եւ ստեղծվում են վթարային իրավիճակներ: Պարզվում է՝ մի քանի օրից մայրաքաղաքում երթեւեկությունն է՛լ ավելի է վատանալու, քանի որ օգոստոսի 15-ից, բացի Երեւանում արդեն իսկ ընթացող շինաշխատանքներից, եւս 4 մեծ ճանապարհաշինարարական ծրագրեր են իրականացվելու: Կառուցապատման ընթացքում Ազատության եւ Արցախի պողոտաները, Բաղրամյան-Կիեւյան-Օրբելի փողոցները եւ Հաղթանակի զբոսայգու տարածքը եւս անանցանելի կլինեն: Քաղաքապետարանի պաշտոնյաները խոստանում են մինչեւ սեպտեմբերի կեսերն այդ ծրագրերն ավարտել, իսկ մինչ այդ թե ինչ կկատարվի Երեւանի փողոցներում՝ կարելի է պատկերացնել:
