![\"\"](\"https://www.aravot.am/2007/aravot_arm/April/11/p1.jpg\")
«Ընտրություններում տարած մեր հաղթանակը՝ արժանին մատուցելու ազնիվ մղումով, նվիրում եմ Անդրանիկ Մարգարյանի թանկ ու պայծառ հիշատակին»,- երեկ Արմավիր քաղաքի մշակույթի տանը կայացած հանդիսության ժամանակ հայտարարեց Արմավիրի քաղաքապետ Ռուբեն Խլղաթյանը, որը երդմամբ ստանձնեց իր պարտականությունների կատարումը: Երեկ նրան շնորհավորելու էին եկել ոչ միայն ՀՀԿ խորհրդի անդամները, այլ նաեւ Վանաձորի քաղաքապետ Սամվել Դարբինյանը, Դավիթաշենի համայնքապետ Սուրիկ Ղուկասյանը եւ այլք: Մի պահ ՀՀԿ-ի քարոզարշավի վերածված այս միջոցառումից հետո տեղի ունեցավ համերգ, որին մասնակցում էին ոչ միայն պրոֆեսիոնալ պարողները, այլ նաեւ դահլիճում ներկաները: Եվ մի ծերունու հետ պարելուց հետո Արմավիրի քաղաքապետը գրկախառնվեց նրա հետ:
