Մոնակոյում ավարտվեց 216 հազար ընդհանուր մրցանակային ֆոնդով շախմատի «16th Amber Blindfold and Rapid Tournament» միջազգային գերմրցաշարը:
11-րդ տուրում «կույր» եւ «արագ» շախմատներում Կրամնիկն ու Վալյեխոն, Անանդն ու Գելֆանդը, Մորոզեւիչն ու Սվիդլերը ոչ-ոքի խաղացին, Արոնյանը 1,5:0,5 հաշվով հաղթեց իր ավանդաբար անհարմար մրցակցին՝ Իվանչուկին: Նույն հաշվով Լեկոն եւ Կարլսենը պարտության մատնեցին, համապատասխանաբար, Ռաջաբովին եւ Վան Վելիին: Այսպիսով, ամփոփիչ մրցաշարային աղյուսակը հետեւյալ տեսքը ստացավ:
Վլադիմիր Կրամնիկ (ՌԴ) 15,5
Վիշվանաթան Անանդ (Հնդկաստան) 13,5
Վասիլի Իվանչուկ (Ուկրաինա) 13,0
Լեւոն Արոնյան (Հայաստան) 12,0
Պյոտր Սվիդլեր (ՌԴ) 12,0
Բորիս Գելֆանդ (Իսրայել) 11,5
Ալեքսանդր Մորոզեւիչ (ՌԴ) 11,5
Մագնուս Կարլսեն (Նորվեգիա) 10,5
Պետեր Լեկո (Հունգարիա) 10,5
Թեյմուր Ռաջաբով (Ադրբեջան) 9,0
Լյուկ Վան Վելի (Հոլանդիա) 6,5
Ֆրանսիսկո Վալյեխո (Իսպանիա) 6,5
«Կույր» շախմատում 9,0 միավորով հաղթեց Վլադիմիր Կրամնիկը, իսկ «արագ» շախմատում՝ Վիշվանաթան Անանդը՝ 8,5 միավոր: Լեւոն Արոնյանը երկու մրցաձեւերում էլ միեւնույն՝ 6,0 միավորով վեցերորդ ցուցանիշն ունի:
