![\"\"](\"https://www.aravot.am/2007/aravot_arm/February/6/p1.jpg\")
«Ամեն ջանք գործադրելու եմ, որ այս ընտրությունները լինեն ազնիվ, ազատ, արդար, թափանցիկ: Եվ ոչ միայն ես՝ իշխանությունները շատ լուրջ մտադրված են այդպես վարվելու»,- «Արմենիա»-ին տված հարցազրույցում ասաց Սերժ Սարգսյանը: Եվ առանց ԱԺՄ նախագահ Վազգեն Մանուկյանի անունը տալու՝ անդրադարձավ նրա պնդմանը, որ եթե իշխանության մեջ գտնվող մարդն ասում է, թե առաջիկա ընտրությունները պետք է լինեն ավելի ազնիվ՝ «ինքը կա՛մ իդիոտ է, կա՛մ տականք»: Սերժ Սարգսյանը հակադարձեց. «Իդիոտը ի՛նքն է, որ չի կարողանում այս կյանքում իր տեղը գտնել, եւ ամեն անգամ ավանտյուրաներով փորձում է հասնել նրան, որ իր մասին չմոռանան»: Վազգեն Մանուկյանը չէր լսել այդ ելույթը. «Կլսեմ՝ նոր կպատասխանեմ: Բայց ամեն դեպքում, ուզում եմ հասկանալ. 2003-ի ընտրություններից հետո Սերժ Սարգսյանը մի պնդում արեց, որի հետ բացարձակ համաձայն չեմ: Բայց նա պատճառաբանեց, թե կեղծիքները համապատասխանում են մեր ժողովրդի մենթալիտետին: Հիմա ուզում եմ հարց տալ՝ անցած 4 տարում այդ ի՞նչ կտրուկ
փոփոխություններ են եղել «մենթալիտետի» մեջ»:
Կարդացեք նաեւ՝
