Արագածոտնի մարզի Դավթաշեն գյուղի բնակիչ Հրաչ Ազատյանին հարցրի, թե ընդդիմադիր գործիչներից ո՞ւմ է հավանում: Երկխոսությունը ներկայացնում ենք բառացի, որ թյուրիմացությունների տեղիք չտա:
– Ի՞նչ կարծիքի եք ընդդիմության մասին:
– Ընդդիմությա՞ն, ես ընդդիմադիր եմ, էլ ի՞նչ ասեմ:
– Ո՞ր կուսակցության անդամ եք:
– Կուսակցություն չունեմ:
– Ո՞ւմ եք ընդդիմադիր:
– Ընդդիմադիր եմ բոլորին, որ էս երկիրը լավ վիճակի չեն բերում:
– Իսկ ինչպե՞ս եք գնահատում կառավարության աշխատանքը:
– Առայժմ լավ է:
– Ընդդիմությունը կհաղթի՞ ընտրություններում:
– Չէ:
– Արտաշես Գեղամյանի մասին ի՞նչ կարծիքի եք:
– Գեղամյանին շատ եմ սիրում, շատ լավ մարդ է, բայց՝ ի՞նչ:
– Իսկ Դեմիրճյանի՞ն:
– Դեմիրճյանին ավելի շատ:
– Իսկ ամենաշատ ո՞ւմ եք սիրում:
– Քոչարյանին:
– Ո՞ր:
– Դե, իրեն, էլի:
