![\"\"](\"https://www.aravot.am/2007/aravot_arm/January/26/p1.jpg\")
ՀՀ պաշտպանության փոխնախարար, գեներալ-լեյտենանտ Արթուր Աղաբեկյանը (աջից) երեկ, Դրաստամատ Կանայանի անվան Ազգային ռազմավարական հետազոտությունների ինստիտուտի բացման արարողության ժամանակ (լուսանկարում), լրագրողների հետ զրույցում ասաց, որ զորացրվելու է եւ վերականգնելու է ՀՅԴ անդամությունը: Նրա անդամությունը սառեցվել էր 1996թ.-ին, երբ ստանձնել էր բանակի 5-րդ բրիգադի հրամանատարի պաշտոնը: Ըստ ամենայնի, Ա. Աղաբեկյանը ՀՅԴ համամասնական ցուցակով մասնակցելու է առաջիկա խորհրդարանական ընտրություններին: Արարողությանը ներկա ՀՅԴ Բյուրոյի ներկայացուցիչ Հրանտ Մարգարյանը լրագրողներին ասաց, որ Ա. Աղաբեկյանը կարող է վերադառնալ զինվորական ծառայության, եթե բանակը դրա կարիքը զգա:
