![\"\"](\"https://www.aravot.am/2007/aravot_arm/January/12/p4-1.jpg\")
2006 թվականի վերջին Ախալցխայում չինական 3 խանութների բացումը մտահոգությունների տեղիք է տվել տեղացիների մոտ: Ըստ «Ա-ինֆո»-ի, առաջին մտահոգությունը, թերեւս, առաջ է եկել տեղի առեւտրականների մոտ, որովհետեւ չինական էժան ապրանքների հայտնվելը շուկայում բացասաբար է անդրադառնալու իրենց բիզնեսի վրա: Ախալցխացիների մոտ ապագայի մտահոգություն կարող է լինել նաեւ չինացիների՝ տեղում հաստատվելու ցանկությունն ու հաստատակամությունը: Չինացի առեւտրականները նշել են, որ այս երկրամասը իրենց դուր է եկել եւ իրենք մտադիր են ոչ միայն զարգացնելու իրենց բիզնեսը, այլեւ հաստատվելու այստեղ: Հաշվի առնելով չինացիների աճի տեմպերը, ինչպես նաեւ նրանց բիզնեսի զարգացման հնարավորությունները, տեղացի որոշ մասնագետներ մի քանի տարի հետո գոնե Ախալցխա քաղաքում ժողովրդագրական չնախատեսված փոփոխություն են ակնկալում:
