![\"\"](\"https://www.aravot.am/2006/aravot_arm/December/20/p241-1.jpg\")
ԱԳ նախարար Վարդան Օսկանյանը, որի անմիջական ղեկավար Ռոբերտ Քոչարյանը 1998-ին նախագահ դարձավ ղարաբաղյան խնդիրը ներքաղաքական պայքարում շահարկելով, երեկ լրագրողների հետ հանդիպման ժամանակ վստահություն հայտնեց, որ այժմ առնվազն իշխանությունների մասով նման շահարկումներ չկան: Մինչդեռ, ըստ պարոն Օսկանյանի, «ընդդիմության այն հատվածը, որն անցյալում ավելի էր հակված զիջումների, այսօր փորձում է ավելի կաթոլիկ լինել, քան Հռոմի Պապը, հետապնդելով մեկ նպատակ՝ հակադրվել իշխանություններին»: ՀՀ արտգործնախարարը կարծում է, որ ղարաբաղյան խնդրի շահարկումը կարող է հանգեցնել վտանգավոր գործընթացների, ուստի նա քաղաքական ուժերին կոչ արեց վեր կանգնել նեղ շահերից, քանի որ գործ ունենք «համահայկական կարեւորագույն խնդրի» հետ:
Կարդացեք
