Երեկ ԱԺ-ն այդպես էլ չցանկացավ արտաժամյա աշխատել եւ արտահերթ նիստում 2-րդ ընթերցմամբ քննարկել ու ընդունել «ՀՀ օրհներգի մասին» օրինագիծը: Ուստի Սահմանադրության համաձայն՝ այսօրվանից Հայաստանն այլեւս չունի օրհներգ:
Մինչդեռ երեկ ՀՅԴ խմբակցությունը շրջանառության մեջ դրեց իր «ՀՀ պետական օրհներգի մասին» օրենքի նախագծի հավելվածը, որում պահանջվածի պես՝ ներառված է նաեւ «Մեր Հայրենիք» օրհներգի խմբերգային պարտիտուրան: Այն կազմել է ՀՅԴ խմբակցության անդամ Սպարտակ Սեյրանյանը, որն ունի երաժշտական կրթություն եւ փաստորեն՝ օրինաստեղծ աշխատանքից բացի, կարող է զբաղվել նաեւ նոտագրությամբ:
