Աջափնյակ համայնքի Սիլիկյան թաղամասում, բնակիչների վկայությամբ՝ արդեն 10-11 տարի աղբահանություն չի իրականացվում:
![\"\"](\"/pictures/Image/p205-7.jpg\")
Թաղամասի գրեթե բոլոր տների դիմաց աղբով լի այսպիսի պարկեր են դրված:
![\"\"](\"/pictures/Image/p205-6.jpg\")
Այս ավտոթափքը ծառայում է որպես աղբարկղ:
Այդ թաղամասում գոնե ձեւի համար մի աղբաման գոյություն չունի, որ մարդիկ աղբը դրանց մեջ լցնեն, ուստի բնակիչներն իրենց բակում հավաքված աղբը տանում-լցնում են Սիլիկյան թաղամաս տանող ճանապարհի եզրին կամ գերեզմանատան շրջակայքը: Բնակիչները հիշում են, որ վերջին անգամ իրենց թաղամասում աղբատար մեքենա տեսել են այս տարվա մայիսի մեկին, երբ թաղապետարանը՝ որպես նվեր, տարածքում աղբահանություն էր կազմակերպել: Տարիներ ի վեր ողջ ճանապարհի երկայնքով աղբի սարեր են գոյանում եւ այդ ճանապարհով երթեւեկող համայնքի որեւէ պաշտոնյայի՝ աղբի հարցն ընդանրապես չի հուզում: Բնակիչների խոսքերով, հատկապես ամռանը, աղբից առաջացած գարշահոտությունը տարածվում է թաղամասով մեկ, այդ պատճառով սիլիկյանցիները ստիպված աղբը թաղում են իրենց հողակտորներում կամ էլ այրում են:
Նույն պատկերն է նաեւ Սիլիկյան թաղամասից դեպի Հաղթանակ եւ Լուկաշեն տանող գյուղերի ճանապարհներին: Աղբատար մեքենաների վարորդները բնակիչներին պատճառաբանել են, որ իրենք չեն վարձատրվում, ինչի համար էլ հրաժարվել են այդ թաղամասում աղբահանություն կատարել: Բնակիչները պատրաստակամություն հայտնեցին աղբահավաքներին վճարել պահանջվող գումարը, միայն թե թաղամասում նորմալ աղբահանություն կատարվի:
