Աշակերտները կարող են բազմաթիվ վարակներ ձեռք բերել
Արարատի մարզի Շահումյան (նախկինում՝ Յուվա) գյուղի՝ Արտակ Համբարձումյանի անվան միջնակարգ դպրոցում սովորում է 687 աշակերտ: Դասերի ժամանակ այդ աշակերտները ստիպված են հակագազ կրել, որպեսզի դպրոցի զուգարանի գարշահոտից չխեղդվեն: Զուգարանը գտնվում է դպրոցի բակում, իսկ թե ինչպիսի հակահիգիենիկ պայմաններ են այնտեղ տիրում՝ պատկերված են լուսանկարներում: Գյուղապետ Սերժիկ Բաբայանը «Առավոտի» հետ զրույցում խոստացավ, որ ընդամենը մի քանի օրից այդ պատկերը կփոխվի, քանի որ դպրոցի ներսում նոր զուգարան են կառուցում, որը շուտով կգործի: Մինչդեռ դպրոցի տնօրինությունն արդեն 4-5 տարի է՝ նույն խոստումը տալիս է, բայց զուգարանի խնդիրն այդպես էլ չի լուծվում:
![\"\"](\"https://www.aravot.am/2006/aravot_arm/October/21/p200-10.jpg\")
Համբարձումյանի անվան դպրոցի միայն շքամուտքն է այսպիսի բարվոք վիճակում:
![\"\"](\"https://www.aravot.am/2006/aravot_arm/October/21/p200-9.jpg\")
Դպրոցի զուգարանն է: Այն նույնիսկ դուռ չունի. երեխաները ստիպված են երկու հոգով գնալ, որպեսզի մեկը դռան մոտ «պահակ» կանգնի:
