![\"\"](\"https://www.aravot.am/2006/aravot_arm/October/21/p200-1.jpg\")
Երեկ ԱԺ պատգամավոր Թաթուլ Մանասերյանը ԱԺ պետաիրավական հարցերի հանձնաժողովում ներկայացրեց «Հայոց ցեղասպանության հարցերի քննարկման ԱԺ ժամանակավոր հանձնաժողով ստեղծելու մասին» որոշման նախագիծը, որի անհրաժեշտությունը պայմանավորեց Հայոց ցեղասպանության դատապարտման ու ճանաչման միասնական դիրքորոշման որդեգրման, Ցեղասպանության տարեթվերը համակարգելու պահանջով: ՀՅԴ խմբակցության քարտուղար Գեղամ Մանուկյանը, սակայն, նշեց, թե արդյունավետ չեն լինի Ցեղասպանության ուսումնասիրման ոլորտում հանձնաժողովի 6 ամսում կատարելիք աշխատանքները՝ հիշեցնելով, որ գիտական բազում հաստատություններ են տարիներ շարունակ զբաղվում այդ հարցով: Ըստ նրա՝ հանձնաժողովի ստեղծմամբ կասկածի տակ է դրվում 1989-ին ընդունված «Հայոց ցեղասպանության մասին» օրենքը: Հանձնաժողովը դրական եզրակացություն տվեց Թաթուլ Մանասերյանի նախաձեռնությանը:
