Հայաստանում Ռուսաստանի սահմանապահ զորքերի նախկին հրամանատար, գեներալ-լեյտենանտ Վյաչեսլավ Աբոիմովը Վորոնեժի զինվորական դատարանի որոշմամբ զրկվել է գեներալ-լեյտենանտի զինվորական կոչումից: Հիշեցնենք, որ 2000-2003 թթ. Հայաստանում ՌԴ անվտանգության դաշնային ծառայության սահմանապահ զորքերի հրամանատարի պաշտոնը զբաղեցնող գեներալ-լեյտենանտ Աբոիմովը մեղադրվում էր մի շարք դրամական մեքենայությունների մեջ: Դատարանի որոշմամբ նա դատապարտվել է 4.5 տարվա (պայմանական) ազատազրկման եւ պարտավոր է պատճառված նյութական վնասի փոխհատուցման համար վճարել7.5 միլիոն ռուբլի:
