ՄԵՂՐԻԻՑ
Է ՍԿՍՎՈՒՄ ՀԱՅԱՍՏԱՆԸ 
Մարտի
11-12-ին կայացած «Միասնության ծառատունկ-2006» միջոցառումը մեկնարկեց Սյունիքի մարզից,
ուր ուղեւորվում էին այս շքեղ մեքենաները (ավելի քան 15), ինչպես նաեւ հսկա երկհարկանի
ավտոբուս, որում, արտիստներից եւ լրագրողներից բացի, «Նիգ-Ապարան» հայրենակցական
միության պատվավոր նախագահ Աղվան Հովսեփյանն էր՝ որդու հետ:
Յուրաքանչյուր
տեղամասում միասնության ծառատունկին հաջորդում էր միասնության շուրջպարը: Սյունիքի
դարպասների մոտ «Նիգ-Ապարան» հայրենակցական միությանը միացած 40-ից ավելի հայրենակցական
միությունների անդամներ շուրջպար էին բռնել: Ամենամեծ շուրջպարը կայացավ Կապանի հրապարակում՝
երեկոյան շքեղ հրավառության ժամանակ: 
«Նիգ-Ապարանը»
իր առջեւ խնդիր է դրել ողջ Հայաստանի տարածքում տնկել 3. 200.000 դեկորատիվ եւ մրգատու
ծառ: «Նիգ-Ապարանի» պատվավոր նախագահը որդու հետ տնկում են իրենց բաժին ծառերը:
Սյունիքի մարզպետ
Սուրեն Խաչատրյանը (աջից երրորդը) ոչ միայն աղուհացով, այլեւ զանգեզուրյան գինով
սատարեց ծառատունկի մասնակիցներին: Ֆոտոռեպորտաժը՝
ԱՐԵՎ ԲԱՐՍԵՂՅԱՆԻ
