ՒՆՔՆԱՍՊԱՆՈՒԹՅՈՒՆ ԳԼԵՆԴԵԼՈՒՄ
Ըստ «Արմինֆո» գործակալության, օգոստոսի 30-ին Գլենդելում Վանիկ
Տեր-Գալուստյան անուն-ազգանվամբ մի հայ իր բարեկամուհու տանը ինքնասպան է
եղել, երբ ոստիկանությունը պաշարել է տունը եւ փորձում էր բնակարանից դուրս
բերել նրան:
Ըստ ոստիկանության հաղորդած տվյալների, Վանիկ Տեր-Գալուստյանը ոստիկանության կողմից փնտրվում էր եւ ապաստանել էր մի բարեկամուհու տանը: Ոստիկանությունը երկուշաբթի կեսօրին, ժամը 12:30-ին, պաշարել է տունը եւ 6 ժամ բանակցություններ վարել` համոզելով Վանիկին տնից դուրս գալ: Վանիկը մերժել է երկխոսության առաջարկը եւ 9 ժամ հետո, երբ ոստիկանությունն սկսել է արցունքաբեր գազ արձակել, ինքնասպան է եղել` կրակելով կրծքին:
Գործողությունից առաջ ոստիկանները մոտավորապես 100 հոգու հեռացրել
էին մերձակա սրճարաններից ու բնակարաններից: Ժամերով խճողված է եղել նաեւ
Վենտուրա մայրուղին: Ոստիկանությունն անմիջապես Գալուստյանին փոխադրել է
հիվանդանոց, սակայն պարզվել է, որ նա արդեն մահացած էր:
