ԿՐԿԻՆ ՆԱՀԱՆՋ

Ֆուտբոլի Եվրոպայի առաջնության եզրափակիչ մրցաշարն սկսվելու
շեմին ֆուտբոլային ասոցիացիաների միջազգային միությունը (ՖԻՖԱ) հրապարակեց
ազգային հավաքականների վարկանիշային դասակարգման հունիս ամսվա ցուցակը:
Առաջին եռյակը փոփոխության չի ենթարկվել: Բրազիլիայի հավաքականը շարունակում է մնալ լավագույնն աշխարհում: Նրան հաջորդում են Ֆրանսիան եւ Իսպանիան: Առաջատարների տասնյակում երկու աստիճան վեր է բարձրացել Մեքսիկան, որն այժմ զբաղեցնում է 4-րդ հորիզոնականը: Միանգամից երեք երկիր՝ Արգենտինան, Հոլանդիան եւ Թուրքիան գործակիցների հավասար քանակով բաժանում են 5-րդ տեղը: Գերմանիան եւ Իտալիան նույնպես մեկ քայլ առաջ են գնացել եւ համապատասխանաբար 8-րդն ու 10-րդն են: Իսկ ահա ԱՄՆ-ը նահանջել է՝ հայտնվելով 9-րդ հորիզոնականում: Ինչ վերաբերում է Հայաստանին, մեր ընտրանին մայիս ամսվա համեմատ դիրքերը զիջել է չորս կետով եւ 116-րդն է: ԱՊՀ երկրների հավաքականները ցուցակում զբաղեցնում են այսպիսի տեղեր. 31.Ռուսաստան, 53.

Լատվիա, 71.Ուկրաինա, 75.Էստոնիա, 83.Ուզբեկստան, 86.Բելառուս, 90.

Թուրքմենստան, 102.Վրաստան, 108.Մոլդովա, 110.

Լիտվա, 112.Ադրբեջան, 136.Տաջիկստան, 140.Ղազախստան, 158.Ղրղըզստան:

Կարծում ենք, որ ֆուտբոլասերներին կհետաքրքրի նաեւ, թե ՖԻՖԱ-ի ցուցակում ի՞նչ տեղեր են զբաղեցնում Եվրոպայի առաջնության եզրափակիչ մրցաշարի մասնակից երկրները: Դրանք ներկայացնում ենք ըստ վիճակահանության ենթախմբերում հատկացված խմբերի:

A խումբ. Ռուսաստան՝ 31

Պորտուգալիա՝ 22

Իսպանիա՝ 3

Հունաստան՝ 35

B խումբ. Շվեյցարիա՝ 47

Խորվաթիա՝ 20

Ֆրանսիա՝ 2

Անգլիա՝ 13

C խումբ. Շվեդիա՝ 18

Իտալիա՝ 10

Դանիա՝ 15

Բուլղարիա՝ 40

D խու
մբ. Չեխիա՝ 11

Լատվիա՝ 53

Հոլանդիա՝ 5

Գերմանիա՝ 8