ՈՉ ԹԵ 3, ԱՅԼ 4 ՎԱՐԿ «Առավոտ» օրաթերթի ս.թ. հուլիսի 23-ի համարում «Իրականը ռուսական պարտքի մասին» Հայկ Թորգոմյանի հոդվածի առնչությամբ ֆինանսների եւ էկոնոմիկայի նախարարությունից լրացման կարգով հայտնեցին. «Հոդվածագիրը, հղում կատարելով ՀՀ ֆինանսների եւ էկոնոմիկայի նախարարության «Ֆինանսներ եւ էկոնոմիկա. Հայաստան» ամսագրի ՀՀ արտաքին պետական պարտքի վերաբերյալ 2001թ. սեպտեմբերի 4-ին լույս տեսած հատուկ թողարկմանը, նշում է, որ Ռուսաստանի Դաշնությունը Հայաստանի Հանրապետությանը տրամադրել է երեք վարկ։ Սակայն, համաձայն վերոնշյալ տեղեկագրի, ՌԴ-ն ՀՀ-ին տրամադրել է 4 վարկ։ 1-ին վարկ. տրամադրվել է 1996թ. օգոստոսի 23-ին, վարկի չափը՝ 17,2 մլն ԱՄՆ դոլար, 2-րդ վարկ. տրամադրվել է 1997թ. հունիսի 30-ին, վարկի չափը՝ 73,7 մլն ԱՄՆ դոլար, 3-րդ վարկ. տրամադրվել է 1997թ. օգոստոսի 29-ին, վարկի չափը՝ 15,3 մլն ԱՄՆ դոլար, 4-րդ վարկ. տրամադրվել է 1998թ. դեկտեմբերի 16-ին, վարկի չափը՝ 20,57 մլն ԱՄՆ դոլար։ Հոդվածագիրը չի նշել երկրորդ՝ 1997թ. հունիսի 30-ին Ռուսաստանի Դաշնության՝ ՀՀ-ին տրամադրած 73,7 մլն ԱՄՆ դոլար վարկի մասին տեղեկությունը, որը զետեղված է ՀՀ արտաքին պարտքի մասին տեղեկագրի 9-րդ էջում»։
