ՀԱՅ ՄՈԴԵԼՅՈՐՆԵՐԸ՝ fASHION TV-ՈՎ Հագուստի նորաձեւության «fashion tv»-ով նոյեմբերի 14-22-ը «Շարմ» ընկերության շնորհիվ կցուցադրվեն հայ մոդելյորների աշխատանքները։ «Շարմը» պայմանավորվածություն է ձեռք բերել «fashion tv»-ի պրոդյուսերի հետ, իսկ վերջինիս առաջին պայմանը եղել է հագուստի ցուցադրության եվրոպական ստանդարտներով նկարահանումներ ապահովելը։ Մինչ այդ արդեն կազմակերպվել էր հայ մոդելյոր Լիլիթ Մարգարյանի, «Style» Fashion Center-ի եւ Հայ մոդելավորողների «Սերվիս» միության (որի նախագահն է Զառա Մխեյանը) ցուցադրությունները։ «Շարմի» նկարահանումները ապահովել են եվրոպական չափանիշների պահանջները։ Այսպիսով, «fashion tv»-ով կհեռարձակվի Լիլիթ Մարգարյանի «Վերադարձ դեպի կանացիություն» գարուն-աշուն 2001 եւ հայկական «Style» Fashion Center-ի աշուն-ձմեռ 2001 հավաքածուները, որում ընդգրկված են 10-ից ավելի հայ մոդելյորների աշխատանքներ։
