Մեղադրողների եւ տուժողների, նրանց ներկայացուցիչների շահերը մինչեւ երեկ, կարծես, համընկնում էին:
ԱԺ փոխնախագահ, ԱԺ-ում դավադրորեն գնդկահարված Յուրի Բախշյանի այրին՝ Անահիտ Բախշյանը, որը տուժողի իրավահաջորդն է «Հոկտեմբերի 27» քրգործով, մեղադրող քառյակի երեկվա դիրքորոշման կապակցությամբ «Առավոտին» հետեւյալն ասաց.
– Մեղադրող կողմը միջանցքներում, այստեղ կարեկցելով-սփոփելով մեզ, ամբողջությամբ իրեն դրսեւորում էր իբրեւ մեզ վշտակից։
Տղամարդավարի ցույց էր տալիս, թե արդարության է ձգտում։ Այսօր պարզվեց, որ մեղադրողները երկակի դեր ունեն. մեզ հետ մի տեսակ են խոսում, ներկայացնում գործը, իսկ դատաքննության ժամանակ, փաստորեն, այն գիծն են տանում, որն ուղղորդում է իրենց ողջ դատավարության ժամանակ եւ ի սկզբանե, հոկտեմբերի 27-ից սկսած։
Կարդացեք նաև
Այսօր մեղադրողները հաստատեցին մեր ամբողջ կասկածները։
Նրանց դիրքորոշումը՝ ամբաստանյալին նպատակահարմար է պահել ԱԱՆ մեկուսարանում, կարծում եմ, լակմուսի դեր կխաղա հետագայում։
Ռուզան ՄԻՆԱՍՅԱՆ
Լուսանկարը՝ հեղինակի
