Ս. ՎԱՐԴԱՆՅԱՆԸ՝ ՌՈՒՍԱՍՏԱՆԻ ԱԿՈՒՄԲԱՅԻՆ ՉԵՄՊԻՈՆ Ռուսաստանի Օրենբուրգ քաղաքում անցկացված սեղանի թենիսի այդ երկրի ակումբային առաջնությունում միջազգային կարգի սպորտի վարպետ, հայաստանցի Սամվել Վարդանյանը «Նեֆթյաննիկ Օրենբուրգ» ակումբի կազմում դարձավ Ռուսաստանի Դաշնության չեմպիոն։ 30-ամյա մարզիկը, որի տարիքում շատերը վաղուց արդեն հրաժեշտ են տված լինում մեծ սպորտին, շարունակում է հանդես գալ երիտասարդական ավյունով։ Նա ընդամենը մեկ տարի է, ինչ անդամագրվել է «Նեֆթյաննիկ Օրենբուրգ» ակումբին, սակայն արդեն դարձել է թիմի առաջատարը։ Վերջերս Սամվելը Հայաստանի հավաքականի կազմում մասնակցեց նաեւ Ճապոնիայում անցկացված աշխարհի առաջնությանը եւ 12 հանդիպումից պարտվեց միայն երկուսում։ Դրանից հետո, տունդարձի ճանապարհին, նա մնաց Մոսկվայում ու սկսեց նախապատրաստվել Ռուսաստանի ակումբային առաջնությանը։ Եվ այստեղ նրա նվաճած չեմպիոնական տիտղոսը վկայում է, որ Սամվելը դեռ կարող է ըստ արժանվույն պաշտպանել Հայաստանի մարզական պատիվը։ Ա. Հ.
