ԽՏՐԱԿԱՆՈՒԹՅՈՒՆ «Արամ Խաչատրյան» համերգասրահի եւ ՀՖՆ-ի գլխավոր տնօրեն Նիկա Բաբայանն ասաց, որ շուտով փոխվելու է համերգասրահի դահլիճի հետ կապված քաղաքականությունը. «Մենք շատ մեծ փոփոխություն ենք մտցրել դահլիճի վարձի մեջ։ Այսուհետեւ բոլոր շոուները, ռուսական եւ այլ «աստղերի», էստրադային համերգները մեր դահլիճում կանցնեն այլ հիմունքներով։ Դահլիճը վարձակալելու համար նրանք երկու անգամ ավելի պիտի վճարեն, քան դասական երաժշտության համերգներ կազմակերպողները։ Այդ խտրականությունը մենք դնելու ենք։ Էլ չեմ խոսում, որ որոշ տեսակի շոուների ընդհանրապես դահլիճը չենք տրամադրի, անկախ նրանց առաջարկած գնից։ Մենք չենք կարող այդ ցածրորակ արվեստով անընդհատ առաջ գնալ»։ Մ. Բ.
