Ժողովրդական իրավունք
Դեպքերի բերումով Իջեւանի ՆԳ բաժնի տուգանային հրապարակ բերված անձնական «Ժիգուլիս» մի քանի օրում ոստիկանները այնպիսի վարպետությամբ թալանեցին, որ կնախանձեր ցանկացած դատապլստուկ ավազակախումբ։ Դեռ միտքս մրսում է շարժիչի իսպառ տկլորացումից։ Պայքարիս բոլոր ձեւերը ավարտվեցին մի քանի անգամ իմ արհեստաշեն կալանքի հեռանկարով, աշխատանքիցս հեռացումով, բարեկամներիս հալածանքով եւ ուժային կառույցների քարտեզագիր հետամտմամբ։ Պատկերացնում եմ գեթ մի գողացած պահեստամասով օրապահություն քարշվածի դեմքի «նկարչական» ձեւավորումը։ Միայն ծառայական մեքենաների մակնիշներով իրարից տարբերվող հերթագայիկ միլպետ-դատախազ-վարչության պետ սանդղակը ինձ տալիս էր կամ վարսավիրի խորհուրդ՝ գլուխս չխուզելու, կամ հրշեջի՝ կրակի հետ չխաղալու։
Հիշեցնեմ, որ հանրապետությունում առաջին անկախ թերթի խմբագիրն եմ եղել, յոթ անգամ մեծածավալ օգնել եմ Արցախին, համամիութենական եւ հանրապետական բազում մրցույթների դափնեկիր եմ, քաղաքական ծափնեկիր եւ այսպես շարունակ… Արգո նախարար (Հայկ Հարությունյան), խնդրում եմ Ձեզ, անձնական հսկողությամբ կատարման դնել իմ վնասի վերականգնումը, պատժել զուտ ուսադիրներով մտածողներին, վերջ տալ ծառայական թղթախաղին եւ ապացուցել, որ աստղային կոչումները չեն շնորհվում աստղեր մարելու։ Մեզանում կան գետնագնա գողեր, որոնց երկիրը ուզում է միայն գետնատակ բնակել։ Ես ամաչում եմ Ձեր համակարգի իջեւանյան բաղադրությունից՝ թրքասիրաշատ…
ԼՅՈՒԲԻԿ ՉԻԲՈՒԽՉՅԱՆ
Կարդացեք նաև
Տավուշի մարզպետի օգնական
