Հայկական դեղագործական ասոցիացիան արտահայտելով իր մտահոգությունը դեղերի նկատմամբ ավելացված արժեքի հարկի կիրառման հետ կապված դեղերի գների աճի վերաբերյալ եւ հաշվի առնելով Ազգային ժողովի եւ Առողջապահության հանձնաժողովի ու պետեկամուտների նախարարության հետ քննարկումները, խնդրել է դեղագործական մեծածախ ընկերություններին եւ դեղատներին հիմնական դեղերի ցանկում ընդգրկված առաջին անհրաժեշտության դեղամիջոցները մինչեւ մարտի 1-ը վաճառել 2000թ. դեկտեմբերի գներով, իսկ վնասները վերցնել ընկերությունների եւ դեղատների վրա, որպեսզի ԱԺ-ն եւ կառավարությունը համապատասխան վերլուծությունների եւ ուսումնասիրությունների արդյունքում հնարավորություն ունենան օրենքում շտկում անել։ ԱՊՀ երկրները դեղերի նկատմամբ ԱԱՀ կիրառել եւ հանել են 6 ամսից մինչեւ 1 տարի ժամկետում։
Հույս ունենք, որ ՀՀ-ում հաշվի առնելով այդ երկրների փորձն ու մասնագետների կարծիքը, օրենսդրական շտկումը կարվի ավելի օպերատիվ ձեւով։
Ղ. ՈՒԼԻԽԱՆՅԱՆ
Ասոցիացիայի նախագահ
