Հետո էլ ասում են՝ ժողովուրդը ձանձրացել է քաղաքականությունից ու իբր միայն օրվա հացի խնդրով է մտահոգված։ Այնինչ, քաղաքապետի հրաժարականի հարցը լավ էլ հուզում է քաղաքացիներին։ Ինչպես միշտ, ժողովուրդը թերահավատորեն է վերաբերում պաշտոնական տեղեկատվությանը ու ցանկացած լուր ներկայացնում է իր մեկնաբանությամբ։
Երեկ երթուղային տաքսիում ունկնդիր եղանք հետեւյալ երկխոսությանը. զրուցում են 50-60 տարեկան 2 տղամարդ՝
– Լսե՞լ ես, ըհը, Բազեյանն էլ հրաժարական տվեց, դե տեսավ էլ ուտելու բան չկա, փողերը հավաքեց, հիմա փախնում ա։
– Չէ, էհ, ասում են քաղաքում մի քանի տեղ պետք ա բենզինի «կալոնկաները» լինեն։ Բազեյանն էլ որոշել է պայքարել դրա դեմ՝ էկել են, կաբինետից տարել են, մի լավ ծեծել են, ինքն էլ էկել- հրաժարական է գրել։
Կարդացեք նաև
– Չէ, հնարավոր չի։
– Վա՜յ, ո՞նց հնարավոր չի, 100%-ով եմ ասում։
– Ասի, չէ, էլի։
– Յեսիմ, ասենք Բազեյանը երկրապահի դեմքերից է, ոնց կարող ա ծեծեին…
