Երեկ քաղաքապետարանը «Երեւան էլցանցից» պաշտոնական գրություն է ստացել ցանցի տնօրեն պրն Ավագյանի ստորագրությամբ։
Ըստ այդմ, պրն Ավագյանը նախազգուշացրել է, որ մինչեւ հունվարի 15-ը քաղաքապետարանը պետք է մարի իր ենթակայության տակ գտնվող էլեկտրատրանսպորտի գործունեության հետեւանքով կուտակած 40 մլն դրամ պարտքը։ Հակառակ դեպքում, 140 միավոր էլեկտրատրանսպորտը կհոսանքազրկվի։ Քաղաքապետարանի պաշտոնյայի վկայությամբ, դա միայն անցյալ դեկտեմբեր ամսվա պարտքն է, մինչդեռ վերջին 3-4 տարիների ընթացքում կուտակված պարտքը կազմում է 670 մլն դրամ։ Քանի որ քաղաքապետարանի «գրպանը» դատարկ է, էլցանցի ու էներգետիկայի նախարարության այս սպառնալիքից ստիպված են տուժել էլեկտրատրանասպորտով երթեւեկող անապահովներն ու արտոնություններ ունեցողները։
Սեփ. լր.
