Երկինք նայելու արվեստը

Հռիփսիմե Ավետիսյանը երկինք չնայեց

Դեկտեմբերի 26-ին «Առավոտ» օրաթերթում լույս տեսավ Հռիփսիմե Ավետիսյանի «Այստեղ է՞լ է մենաշնորհ» հոդվածը, որտեղ հեղինակը մեջ է բերում իր հարցազրույցը Տ. Սարգիս ավագ քահանա Չափարյանի հետ։

Ես՝ Սարգիս ավագ քահանա Չափարյանս, այս հարցի շուրջ որեւէ մեկին հարցազրույց չեմ տվել։ Ավելին։ Եթե հեղինակը ընթերցած լիներ Մարկոսի ավետարանում պատմվող «Այրի կնոջ լումայի» (Մարկոս, ԺԲ, 41) մասին, որը ես խորհուրդ եմ տալիս ընթերցելու, ապա իր համար պարզ կլիներ խորհուրդը, իմաստը եւ տարբերությունը եկեղեցում եւ եկեղեցուց դուրս վաճառվող մոմի։ Եվ վերջում, սիրելի Հռիփսիմե, ոչ թե Տ. Սարգիս ավագ քահանա Չախարյան, այլ Չափարյան։ Սարգիս ավագ քահանա Չափարյան Թղթակից Հ. Ավետիսյանը բանավոր է զրուցել Տ. Սարգիս ավագ քահանա Չափարյանի հետ, պարզապես նյութը նախապես պատրաստվել է նորաբացվող «Իրավապահ» թերթի համար, որն այդպես էլ լույս չի տեսել։ Եվ լրագրողն այն տրամադրել է «Առավոտին»։

Հ. Ավետիսյանը պնդեց սա եւ ասաց նաեւ, որ ավագ քահանան նույնիսկ հրաժարվել էր մինչ տպագրվելը նյութին ծանոթանալ եւ մոմ վառելու խորհուրդի մասին ավելի հանգամանալից ծանոթանալու համար խորհուրդ է տվել ընթերցել Օրմանյանին։

Կարդացեք նաև

Վերին «Հայարտի» ցորենը

• 00:00 09.03.2001

Դժվարությամբ հավաքվում է եւ հեշտությամբ՝ մսխվում

• 00:00 08.03.2001

«ԱՇԽԱՏԱՆՔՆ Է ԻՆՁ ԽԵՂՃՈՒԹՅՈՒՆԻՑ ՀԱՆԵԼ»

• 00:00 18.01.2001