Ոչինչ չի փոխվել այն բանից հետո, երբ նոյեմբերի 21-ին «Առավոտը» տեղեկացրեց, որ Մաշտոցի 27 հասցեում գտնվող «Dark kiss» գիշերային ակումբը գիշերային ուշ ժամերին բարձրաձայն երաժշտություն է հնչեցնում։ Չնայած Երեւանի քաղաքապետի խորհրդական Սուրեն Սուրենյանցը խոստացել էր միջոցներ ձեռնարկել՝ գիշերային երաժշտության ուժգունությունը չի պակասել։ Հետեւաբար՝ տես վերնագիրը։
ՊԱՀԱՆՋՈՒՄ ԵՆ ԱՊԱՀՈՎԵԼ ՀԱՎԱՍԱՐ ՊԱՅՄԱՆՆԵՐ
Աջափնյակի թաղապետի թեկնածու Ա. Սարգսյանի նախընտրական շտաբը հանդես է եկել հայտարարությամբ, որտեղ մեկ այլ թեկնածուի վերաբերյալ մասնավորապես նշվում է. «Թաղապետի լիազոր ներկայացուցիչ Արծրուն Խաչատրյանն օգտագործելով թաղապետի լիազորությունները եւ թաղապետարանի բոլոր լծակները, արդեն իսկ ազդում է համայնքի տարածքում գործող կարեւոր հիմնարկ-ձեռնարկությունների եւ կազմակերպությունների վրա՝ խախտելով արդար ընտրությունների սկզբունքը։ Պահանջում ենք անհապաղ դադարեցնել Արծրուն Խաչատրյանի լիազորությունները»։
Կարդացեք նաև
ԷԴՎԱՐԴ ՍԱՆԴՈՅԱՆԸ ՀՐԱԺԱՐԱԿԱՆ ՏՎԵՑ
«Հայագրոբանկի» խորհրդի նախագահ Էդվարդ Սանդոյանը հրաժարական է ներկայացրել։ Բանկի բաժնետերերի խորհրդի երեկ նախատեսված նիստը, որտեղ քննարկվելու էր այս հարցը, մեզ անհայտ պատճառներով, չկայացավ։ Հայտնի է, որ Էդվարդ Սանդոյանի օրինակին են հետեւել իր թիմակիցները (շուրջ 10 հոգի), որոնց թվում է ՀՀ սեփականաշնորհման նախկին նախարար Պավել Ղալթախչյանը։ Հրաժարականը ներկայացնելը պայմանավորված է բանկի բաժնետերերի փոփոխության հետ։ Հիշեցնենք, որ «Հայագրոբանկի» բաժնետերերի նախագահ Գուրգեն Արսենյանը վերջերս ընտրվել է ԱԺ պատգամավոր։
