Վարչապետ Անուշավան Դանիելյանը ԼՂՀ կառավարության երեկվա նիստում նախարարներին զգուշացրել է, թե նրանք մենակ են թողել Քաշաթաղի (Լաչինի) ղեկավար Ալեքսան Հակոբյանին, անբավարար են զբաղվում այդ տարածքի հիմնախնդիրներով։ Կառավարության անդամներին հանձնարարվել է աշխատանքային կանոնավոր գործուղումների մեկնել ԼՂՀ-ին վարչական մաս կազմող այդ տարածք։
ՆԱԽԿԻՆՆԵՐԸ ԵԿԱՆ «ԻՇԽԱՆՈՒԹՅԱՆ»
Երեկ տեղի ունեցավ քաղբանտարկյալների «Ակումբ-65» կազմակերպության նիստ, որին մասնակցել են նախկին քաղբանտարկյալներ Պարույր Հայրիկյանը, Ազատ Արշակյանը, Մերուժան Հովհաննիսյանը, Էդիկ Կակոսյանը, Վարդան Հարությունյանը, Ռազմիկ Մարկոսյանը: Ներկազմակերպական հարցերի քննարկման արդյունքում՝ լիազորությունները վայր է դրել կազմակերպության նախագահ Ռազմիկ Մարկոսյանը։ «Ակումբ-65»-ի նախագահ է ընտրվել նախկին քաղբանտարկյալ Գեւորգ Հեքիմյանը, որը քաղաքական գործունեությամբ հայտնի էր եւ դատապարտվել է Ասատուր Բաբայանի (Վիգեն Բաբայանի հոր) եւ Շիրակ Գյունաշյանի հետ։ Ընտրվել է 5 հոգուց բաղկացած խորհուրդ։ Ըստ էության, «հին» քաղբանտարկյալները նորից եկան «իշխանության»։
Կարդացեք նաև
ԲԱՆԱԿԻՆ ԶԻՆՎՈՐ Է ՊԵՏՔ
Պետական բուհերում սկսվել է աշնանային ուսանողաթափության շրջանը։ Զարմանալի ջանասիրությամբ բացակայությունների պատճառով բուհերից դուրս են թողնվում հիմնականում տղաները։ Անմիջապես ինֆորմացիան հասնում է զինկոմիսարիատներ, եւ տղաներին բանակ են կանչում։ Հետաքրքիր զուգադիպությամբ բացակայությունների հաշվառումը սկսվում է աշնանային եւ գարնանային զորակոչերի ժամանակ։
