Երեկ «Առավոտին» դիմեց քաղաքացուհի Կարինե Թովմասյանը։ Ըստ նրա՝ ինքն արդեն 3 ամիս է, փորձում է մտնել զինդատախազ Գագիկ Ջհանգիրյանի մոտ, սակայն դա նրան ոչ մի կերպ չի հաջողվում։ Կարինեի ամուսինը մեկ տարի Տավուշի մարզում ծառայելուց հետո թույլտվություն է ստացել գալ Երեւան՝ խնամելու հիվանդ պապին, սակայն ետ՝ ծառայելու, չի վերադարձել։ Գործ է հարուցվել, եւ նա այժմ ձերբակալված է։
Կապվեցինք պրն Ջհանգիրյանի օգնական Լուսինե Սարգսյանի հետ (քանի որ անձամբ Գագիկ Ջհանգիրյանը գործուղման է մեկնել): Տիկին Սարգսյանը ճշտեց, որ Կարինե Թովմասյանը իրենց մոտ հաճախակի է լինում՝ իր ամուսնու՝ Ռոբերտ Թորոսյանի դեմ հարուցված քրգործի կապակցությամբ։ Նրան ընդունել են զինդատախազի տեղակալները։ Գործը ուղարկվել է Գուգարքի կայազորի դատախազություն։ Սակայն, ըստ օգնականի, եթե տիկին Կարինեն ինչ-ինչ հարցեր ունի, նա կարող է ընդունվել հենց զինդատախազի կողմից. որեւէ խոչընդոտ չկա։
ԽՈՍՔԻ ԱԶԱՏՈՒԹՅՈ՞ՒՆ
Կարդացեք նաև
Զայրույթ եւ առավել եւս ցավ։ Ավելորդ է որեւէ անուն կամ գնահատական տալ նոյեմբերի 14-ի «Առավոտում» տպագրված «Լուսավորչի ոտքը» հոդվածին։ Ցավ է, երբ խոսքի ազատությունը նույնացվում է ամենասովորական գռեհկաբանությանը։ Պարզապես պետք է հարգել անհատի սրբությունը, հատկապես, երբ խոսքն այս դեպքում ոչ միայն համաքրիստոնեական սրբության, այլ նաեւ ազգային արժեքի մասին է։ Մայր Աթոռ Սբ. Էջմիածնի տեղեկատվության համակարգ Չվիճարկելով Մայր Աթոռ Սբ. Էջմիածնի տեղեկատվության համակարգի պատասխանը, ակնկալում ենք, որ նույնքան արագ մամլո դիվանն արձագանքի նաեւ մեր այն հարցումներին, թե ինչո՞ւ Մայր Աթոռը որեւէ օգնության չի արժանացնում Ջավախքի մեր եկեղեցիներին։ Մեր այս հարցը՝ անհրաժեշտ օրինակներով, ուղղել ենք մոտ երեք շաբաթ առաջ եւ մինչ օրս ոչ մի պատասխան չենք ստացել։
ՄԻ ՕՐԻ ՉԵՆՔ, ՄԻ ՀԱԼԻ ԵՆՔ
Երեկ ամփոփվեցին Ադրբեջանի խորհրդարանական ընտրությունների արդյունքները։ Ադրբեջանի քաղաքական ուժերն այսկերպ են ներկայացված խորհրդարանում. իշխող կուսակցությունը՝ «Յենե Ազրբայջան»՝ 17 պատգամավորական մանդատ, «Ժողովրդական կուսակցություն»՝ 4, «Քաղաքական համերաշխություն»՝ 2, Կոմկուս՝ 2։ Ադրբեջանի ամենալուրջ ընդդիմադիր կուսակցությունը՝ «Ազգային անկախությունը», ոչ մի պատգամավորական մանդատ չի ստացել։ Ընդդիմադիր կուսակցությունները որոշել են անվավեր ճանաչել ընտրությունների արդյունքները։ Բերվել են զանգվածային կեղծիքների օրինակներ։
Սեփ. լր.
