Դասալքության խնդիրների շուրջ խորհրդարանական երեկվա լսումների ընթացքում ՆԳՆ փոխնախարար Հովհաննես Վարյանը հայտնել է, որ Հայաստանի տարածքը լքած յուրաքանչյուր դասալիքի բերման ենթարկելու համար անհրաժեշտ է 800-1000 դոլար։ Մոտավոր հաշվարկներով՝ 1992-2000-ի ընթացքում զինծառայությունից խուսափել է 15 հազար քաղաքացի, բայց իրազեկները պնդում են, թե այդ թիվը շատ ավելի մեծ կլիներ, եթե ներառվեին նաեւ կաշառքով զինգրքույկ ստացածները։
ԻՐԱՎԱԲԱՆԸ ՀՐԱԺԱՐՎԵՑ
Կարդացեք նաև
Երեկ խմբագրություն այցելեց իրավաբան Միհրան Գրիգորյանը եւ հայտնեց, որ հոկտեմբերի 21-ին մեր թերթում տպագրված «Անառողջ մթնոլորտ առողջարանում» քննադատական հոդվածի երեք համահեղինակներից մեկը ինքը չէ։
ՊՈԼՍԻ ՊԱՏՐԻԱՐՔԸ՝ «ԱՅԼԱԽՈՀ»
«Թուրքիայի Հայկական պատրիարք, արքեպիսկոպոս Մեսրոպ Մութաֆյանը «տարօրինակ» է անվանել նոյեմբերի 10-ին Վատիկանում ստորագրված Հռոմի պապ Հովհաննես Պողոս Երկրորդի եւ Ամենայն Հայոց կաթողիկոս Գարեգին Երկրորդի համատեղ հայտարարությունը»,- հաղորդում է «Մեդիամաքսը»: Թուրքական Անատոլիական գործակալության հաղորդագրության համաձայն, Մեսրոպ Մութաֆյանը տարածել է գրավոր հայտարարություն, ուր նշվում է, որ ունենալով հրավեր, նա այնուամենայնիվ հրաժարվել է մասնակցել երկու եկեղեցիների առաջնորդների հանդիպմանը, քանի որ նախապես ծանոթ չի եղել համատեղ հայտարարության տեքստին, որում ճանաչվում է հայերի Ցեղասպանությունը: «Մեր ցանկությունն էր, որ Հովհաննես Պողոս Երկրորդի եւ Գարեգին Երկրորդի հանդիպումը չունենա քաղաքական ենթատեքստ եւ նպաստի միջեկեղեցական հարաբերությունների զարգացմանը: Ցավոք սրտի, հայտարարության տեքստը հակառակն է ապացուցում, եւ ես ուզում եմ հայտարարել, որ դա տարօրինակ եմ գտնում»,- ասվում է հայտարարության մեջ:
