Ե՞րբ եւ ո՞վ է ասել. «Բերեք գոնե մեկ օրինակ, եթե որեւէ բանկ նպաստել է երկրի տնտեսության զարգացմանը։ Նրանք զբաղված են պետության հետ բարձր տոկոսային առեւտրով եւ տարադրամի փոխանակությամբ։ Լավագույն դեպքում՝ մեր փողերն են փոխանցում ապրանք ստանալու համար։ Բավակա՞ն չէ, որքան դրանք հարստացել են պետության ու ժողովրդի հաշվին»։
ՆԱԽՈՐԴ
ԱԺ պատգամավոր Մանուկ Գասպարյանն ընդամենը մի քանի օր առաջ այսպես էր պաշտպանել նախագահին՝ Արկադի Վարդանյանից. «Մտածում էի, թե նա ինչ-որ պահանջներ կդնի, ու, «Հեռացի՜ր Քոչարյան»-ից բացի, կներկայացնի, թե ինչ է առաջարկում անել, եթե Քոչարյանը պատասխանում է. «Ո՜չ, չե՜մ հեռանում»։ Դա չի բացառվում, որովհետեւ Քոչարյանը գյուղացի տղա է ու երբեք չի հեռանա։ (…) Նաեւ ասում է՝ Քոչարյանը տղամարդ չէ։ Իհարկե, եթե ես Քոչարյանի տեղը լինեի, ցույց կտայի՝ տղամարդ եմ, թե չէ»։ Հետաքրքիր է, հատկապես ի՞նչը ցույց տալով պիտի նա ապացուցեր իր տղամարդկությունը։ Ինչեւէ, այս դեպքում էլ Քոչարյանը կարող է ասել. «Աստված պաշտպանի ինձ իմ բարեկամներից, իսկ թշնամիներից ինքս կպաշտպանվեմ»։
