Սկզբունքային իրավապաշտպան Ավետիք Իշխանյանը հերթական անգամ փայլեց սրամտությամբ։ Անդրադառնալով Ամերիկայում նախագահական ընտրություններին՝ նա կատակեց. «Պենտագոնը հայտարարել է, որ եթե անգամ Ջորջ Բուշ կրտսերը հավաքի ձայների 100%-ը, միեւնույն է, նա նախագահ չի դառնա»։
ԼԻՍԿԱՅԱՆ
Երեկ ավարտվեցին բարձրագույն կառավարման դպրոցի հեռակա ուսուցման ընդունելության քննությունները։ Հուրախություն մեզ, ընդունվողների մեջ են նաեւ ՀՀ ԱԺ պատգամավորներ, ապագա պատգամավորներ, ապագա նախարարներ։ Ասում են, ամենաբարձր միավորներով ԲԿ դպրոց է ընդունվել գորիսեցի հայտնի պատգամավորը՝ Սուրեն Խաչատրյանը (ոչ անհայտ Լիսկան)։ Կարծում ենք, նրա հետագա ներկայությունն այդ դպրոցում առիթ չի դառնա նոր լիսկայանների ստեղծմանը։
Կարդացեք նաև
ԿՀԱՍՑՆԵ՞Ն
Ստեփանակերտում ասում էին, որ Կարեն Բաբայանի դատաքննությունը նշանակելով այս նոյեմբերի 20-ին, դատավարության «սցենարիստները» հույս են հայտնել, որ «Սամվել Բաբայան եւ մյուսներ» գործի դատաքննությունը մինչ այդ կավարտվի։
ՄՈՏԱՎՈՐԱՊԵՍ
Արկադի Վարդանյանին հանրահավաքում աջակցած մի մտավորականի հանդիմանեցինք, թե «Դո՞ւ էլ ծախվեցիր Ա. Վարդանյանին»։ Նա ցույց տվեց ձեռքի տոպրակն՝ ասելով. «Բա որ ծախված լինեի, շանս ոսկոր կտանեի՞ մսի փոխարեն»։
