Օրերս «Առավոտի» խմբագրություն զանգահարեց Հայրենական պատերազմի երկրորդ կարգի հաշմանդամ Վարազդատ Ասլիկյանը, որն ասաց, որ իրենց 11 հարկանի շենքի վերելակը չի աշխատում, չնայած ամեն ամիս յուրաքանչյուր անձի համար հավաքվում է 150 դրամ գումար։ Եվ հավաքվել է նաեւ այս ամիս։ Վերելակը գտնվում է Եզնիկ Կողբացու 1-ին շենքում եւ մեր փորձերը՝ կապվել պատկան մարմինների հետ, հաջողությամբ չպսակվեցին։ Եվ, ինչ արած, ընտրեցինք վարչապետ-զինդատախազ մամուլի միջոցով հաղորդակցվելու խիստ մոդայիկ ձեւը։
ՓՆՏՐՎՈՒՄ Է ՀԱՄԱՅՆՔԱՊԵՏԸ
Մալաթիա-Սեբաստիա համայնքում բնակվող 71-ամյա Քնարիկ Իսկանդարյանը չի կարողանում իրենց համայնքապետին տեղում բռնացնել։ Տիկին Քնարիկը հուսահատ եկել էր խմբագրություն եւ խնդրում էր իրեն օգնել, որ կարողանա հանդիպել համայնքապետ Աղվան Գրիգորյանին։ Պրն Գրիգորյան, ասեք, թե ե՞րբ կընդունեք, կլսեք եւ կօգնեք 71-ամյա հիվանդ եւ անտուն կնոջը։
Կարդացեք նաև
Սեփ. լր.
