Շարունակում են համառ լուրեր տարածվել այն մասին, որ դեռ 1998 թվականին, երբ Նաիրի Հունանյանը Ազգային հեռուստատեսության կողմից գործուղվել էր Թուրքիա, նույն ժամանակահատվածում այդ երկիր են այցելել նաեւ ԱԱՆ փոխնախարարներից ու ՆԳՆ բաժնի պետերից մեկը։ Տեսնես ո՞ւմ մասին է խոսքը։
ԴՐԱ ՀԵՏ ԿԱՊ ՉՈՒՆԻ
Քաջատեղյակ աղբյուրները տեղեկացնում են, որ Արկադի Վարդանյանի կազմակերպած հանրահավաքից եւ երթից հետո կատարված ձերբակալությունները հանձնարարվել էին ՀՀ գլխավոր դատախազ Բորիս Նազարյանին։ Վերջինս, ըստ մեր տեղեկությունների, հրաժարվել է այդ անել՝ պատճառաբանելով, որ ի պաշտոնե դրա հետ ինքը կապ չունի։ Ավելին, մեր աղբյուրների պնդմամբ, Բորիս Նազարյանը պատրաստ է եղել անգամ հրաժարական տալ։
Կարդացեք նաև
ՀԱՐԱԲԵՐԱԿԱՆ ԱՆԴՈՐՐԻ ՎԻՃԱԿ
Մեր հարցին, թե այս պահին ի՞նչ տրամադրություններ կան խորհրդարանում, խմբերն ու խմբակցությունները մեկմեկու հանդուրժո՞ւմ են, թե՞ ոչ այնքան, պատգամավորներից մեկը, որը չուզեց բացահայտվել, պատասխանեց. «Խորհրդարանում այս պահին հարաբերական անդորրի վիճակ է, բայց Արմենի մնալը խայտառակություն է։ Նա, ի վերջո, պետք է գնա»։
Հիշեցնենք, որ մեր թերթին տված հարցազրույցում Ստեփան Դեմիրճյանն էլ ասել էր, թե այս ամենից հետո «Արմեն Խաչատրյանը պարտավոր է հետեւություններ անել»։ Բայց կարծես թե Ա. Խաչատրյանի «հեչ պետքն էլ չի», նա իր համար ընտրել է նախագահի դերակատարումը։
